Guieldu nes fiestes de San Isidru de Llanera

Posada Llanera

Así foi' e'l conciertu na carpa'l mercáu tradicional de San Isidru.

Hai conciertos que principien col públicu esperando a qu’entame la música. Y hai otros nos que la música tien de faese un sitiu ente conversaciones, cafés, chupitos y sobremeses. El de Guieldu nes fiestes de San Isidru de Llanera foi de los segundos.

El 17 de mayu del 2026, domingu, llegamos a Posada Llanera pa tocar na carpa del tradicional Mercáu de San Isidru. Al nuesu alredor, puestos de produtos artesanos y tradicionales, families paseando y esi ambiente de fiesta popular que s’esparde per tou’l parque.

Pero había amás una circunstancia que facía especialmente diferente aquella actuación: yera domingu pela tarde.

Nun ye un horariu habitual pa Guieldu. La mayoría de los nuesos conciertos son a otres hores, cuando’l públicu yá llega con otra disposición y l’ambiente convida más direutamente a sintir música y, sobre manera, a baillar. Aquella tarde, el puntu de partida yera bien distintu.

El conciertu llegaba dempués de la comida popular de vecindá y d’una llarga sobremesa. Y tres d’una bona comida, yá se sabe: el cuerpu suel pidir conversación, café o apigazar enantes que ponese a saltar.

Asina que cuando xubimos al escenariu nun teníamos mui claro qué diba a pasar.

L’arraque costó un poco. La xente siguía alredor de les meses, d’alderique y disfrutando de la tarde. Yera lóxico. Nun llegáramos al prau d’un festival onde tol mundu tuviera esperando l’entamu d’un conciertu: yéramos una parte más d’una xornada festiva que llevaba yá munches hores en marcha.

Pero ente les meses tamién taben dellos de los nuesos y nueses siguidores habituales. Xente que yá conocía les canciones y qu’entamó a cantar y a movese dende los primeros temes.

Sabíense les canciones. Entamaron a cantar, a movese, a danzar. Y aquello que paecía una sobremesa seliquina empezó a camudar.

Primero fueron unos pocos. Dempués sumáronse otros. Les conversaciones fueron dexando sitiu a la música y la carpa entamó a llenase de movimientu. Lo que empezara con un públicu sentáu alredor de les meses acabó convirtiéndose nuna auténtica folixa de tarde, con xente baillando, saltando y disfrutando de les canciones.

Pa nós foi especialmente prestosu comprobar esi cambéu. Porque quiciabes una de les coses más interesantes de tocar nun horariu asina ye precisamente nun saber d’antemanu cómo va responder el públicu. Un domingu pela tarde, dempués de comer, nun paez precisamente’l momentu más evidente pa ponese a baillar. Pero la música tien los sos propios planes.

Y la música celta, cuando encuentra el ambiente adecuado, tiene esa capacidad de hacer que el cuerpo responda casi antes que la cabeza. Los pies empiezan a moverse, alguien se levanta, otro se anima y, cuando quieres darte cuenta, la sobremesa se ha convertido en baile.

Y la música celta, cuando atopa l’ambiente afayadizu, tien esa capacidá de facer que’l cuerpu responda casi antes que la cabeza. Los pies entamen a movese, dalguién llevántase, otru anímase y, cuando quies date cuenta, la sobremesa convirtióse en baillle.

Quedamos mui contentos y cola sensación de descubrir una faceta diferente de los nuesos conciertos y, sobre tou, cola alcordanza d’un públicu que supo camudar una tarde de domingu nuna pequeña folixa celta.

Gracies a toles persones que compartieron aquella tarde con nós y, especialmente, a quien se llevantaron de les meses pa entamar a baillar.

Vídiu y semeyes del Conciertu

© Fotos: Rubén – De semeya»n semeya