Andar al guieldu

El nome la banda vien d'un dichu propiu del centru-occidente asturianu: «dir al guieldu» (o «tar al guieldu») ye dir al monte y pañar, pelos caminos, les castañes que cayeron a terrén común. Guieldu ye tamién una metáfora de la propia banda: recoyer la herencia musical d'Asturies y de les demás naciones celtes del arcu atlánticu pa tresformala nun llinguaxe contemporaneu y personal.

Guieldu en el Interceltico de Sendim 2026

D'esa idega naz Guieldu, banda asturiana de música celta armada nel 2019 n'Avilés por iniciativa del flautista y compositor Héctor Aneiros. Anque la'andancia interrompió los pasos primeros del proyeutu, nen 2022 la formación pudo entamar la so actividá enriba los escenarios y entrar nel estudiu de grabación.

Pa entender a Guieldu hay que tener en cuenta qu'e se inscribe'apúntase na corriente del interceltismu musical, el movimiento que xune a eses naciones al traviés de la música y que tien n’artistes como Alan Stivell, Dan ar Braz o Carlos Núñez dalgunos de los sos principales referentes. La so inspiración bebe tamién del romanticismu celta del sieglu XIX; esa güeyada que fizo de la naturaleza, la borrina, les ruines antigües y la mitoloxía tou un imaxinariu que Guieldu lleva a la so música como paisaxes sonoros. Guieldu constrúi la so propia voz dientro d'esi imaxinariu, lloñe de clichés superficiales.

Ñacer en tiempos revueltos

L'andancia y los confinamientos del 2020 truncaron l'actividá del grupu poco dempués d'entamar. Los ensayos viéronse afeutaos por llargues paraes que dificultaron lo mesmu la preparación del repertoriu que l'estabilidá de la formación.

Tres estos vaivenes del principiar, a lo llargu del 2021 foi perfilándose la formación que debutaría nos escenarios: siete músicos d'Asturies y Llión, llegaos d'escenes bien estremaes —la tradicional, la clásica, el metal, la world music y, por supuestu, el folk—: Susana Sors a la voz, Jorge Álvarez al bouzouki y la guitarra eléctrica, Laura Méndez a los sintetizadores, Pablo Santamarta al baxu, Héctor Aneiros a los whistles, les flautes y les ocarines, Celia Nieto al violín y Gabriel Catalán a la batería. Esta foi la formación cola que Guieldu entamó la so andadura en direuto, enantes de los cambios que daríen llugar a la formación actual.

A finales d'esi mesmu añu, col repertoriu tovía en construción, la banda grabó pela so cuenta y colos sos propios medios el so primer single, «L'Aremu». Publicáu en febreru de 2022, tuvo una acoyida bien bona ente la crítica ya'l públicu especializáu.

Nel branu del 2022 el repertoriu yá taba preparáu y llegaron los primeros conciertos en vivu, empezando pol Intercélticu d'Avilés, que-y dio a la banda la primer oportunidá de tocar na so ciudá natal, siguíu pol Festival Intercélticu de Sendim (Portugal) ya'l Festival Intercéltico d'Occidente.

Firmes nel rumbU

Celia dexó la banda por motivos académicos y, poco dempués, Gabriel tamién punxo fin a la so etapa nel grupu. Tres el pasu curtiu d'Olaya Pérez nel vigulín, incorporáronse la vigulinista Carmen Tomé ya'll baterista Rubén Cadenas, que apurrieron-y la estabilidá que la formación necesitaba y que Guieldu caltién dende entós.

Dempués llegó una dómina de reconocimientu creciente. El premiu AMAS de la música asturiana a Meyor Canción Folk por «L’Aremu» abrió una racha de fitos. L'añu siguiente, el segundu cenciellu, «Perdayuri» —grabáu nos Estudios 15:40 cola direución técnica de Luis Senén— volvió facese col galardón. La banda foi tamién finalista del concursu «Runas» del Festival do Mundo Celta de Ortigueira, ufriendo'l so conciertu nel escenariu principal del festival. Esi branu actuó tamién nel Sierra Celta de Cortegana (Huelva), compartiendo cartelu cola banda escocesa Wolfston.

Festival Internacional Reinu de Llión. Actuación de Guieldu en 2024

la bocana enanchase

Guieldu entamó esta nueva dómina con un fechu significativu: en marzu de 2024, ufrió nel Teatru San Francisco de Llión el so primer conciertu con entraes a la venta, col aforu completu. Esi branu, la banda tocó na 40.ª Noite Celta de Porcía, el festival celta decanu d'Asturies, áu compartió palcu por primera vegada con Llan de Cubel, referentes históricos de la música celta asturiana —un alcuentru que se repetiría un añu dempués na Nueche Celta d'Ayer—, y en setiembre encabezó'l cartelu del XVII Festival Celta Internacional Reinu de Llión.

Tres años de trabayu dempués, Guieldu espublizó n'abril del 2025 el so primer álbum de duración llarga, Memories de Deva, con catorce temes. Foi un procesu per llargu por triple partida: la propia complexidá compositiva de les canciones, el tiempu d'ensayu que precisaba interpretales y el retu de coordinar nel estudiu a los siete músicos del grupu xunto a dellos invitaos. Poco dempués, la banda presentó oficialmente'l discu'n vivu na Folixa na Primavera de Mieres.

Esi mesmu añu, la banda actuó nel Folkomillas (Cantabria), otru referente de los festivales folk del norte peninsular, enantes de protagonizar el saltu internacional más importante hasta esi momentu: Guieldu foi escoyida pa actuar nel Festival Interceltique de Lorient (Bretaña), l'eventu de música celta más importante del mundu. Nos meses siguientes llegaron nueves actuaciones destacaes, ente elles el Festival Arcu Atlánticu de Xixón y la Nueche Celta d'Ayer.

En xunetu de 2026, Guieldu tornó per segunda vegada a Francia, pa dar el so conciertu nel día grande del festival Les Roches Celtiques de Saint-Étienne, compartiendo cartelu cola banda austriaca Celtica – Pipes Rock! y cola italiana Jimmy & Scots.