Guieldu en el arcu atlánticu
xixón
Celebrando'l retornu del festival Arcu Atlánticu de Xixón
El mar ye parte de la identidá de Xixón. Nun solo del so paisaxe, tamién de la so hestoria y de la so manera de rellacionase col mundiu. El puertu camudó la ciudá nun llugar d’intercambiu de mercancíes, persones ya idees, magar que por ello nun perdió la so asturianía. D’esa amestura ente raigañu y apertura ñació nel 2012 el Festival Arcu Atlánticu, impulsáu por Carlos Rubiera y Xosé Nel Riesgo, dos figures venceyaes estrechamente a la cultura asturiana y al asturianismu. Dende’l principiu, el festival quixo convertir Xixón nun puntu d’alcuentru ente les cultures atlántiques, con una programación que diba muncho más allá de la música.
Nun dexa de ser significativo que, namás dos años enantes, Xixón recuperara la conexón marítima con Nantes-Saint-Nazaire, na Bretaña hestórica. Durante unos años, el ferry volvió xunir físicamente les dos fasteres atlántiques. Nel 2024, dempués de dellos años d’interrupción, l’Arcu Atlánticu tornaba y Guieldu formaba parte de la so programación.
El llugar escoyíu pal nuesu conciertu d’el’aquel 1 d’agostu tien una buelga histórica que merez la pena cuntiar.
L’Antiguu Institutu ye ún de los edificios más singulares de Xixón. Los sos oríxenes remonten al Real Instituto Asturiano de Náutica y Mineraloxía, creáu a finales del sieglu XVIII baxo l’impulsu de Xovellanos. Nació con una vocación claramente ilustrada: formar a los asturianos en conocimientos científicos y téunicos, ente ellos los venceyaos a la navegación, y contribuyir a abrir Asturies al conocimientu y al mundu.
Más de dos sieglos dempués, aquel edificiu sigue dedicáu a la cultura y al conocimientu, anque dende una perspeutiva bien diferente. Y foi ellí onde nos tocó tocar aquella nueche.
La configuración del conciertu tamién yera poco habitual. La banda tocaba sobre una tarima, sicasí a la mesma altura que’l públicu, que permanecía sentáu enfrente nós. Sabíemos que aquello podía dar pie a un conciertu diferente, más cercanu, íntimu y seliquín.
Lo que nun sabíemos yera que diba durar bien poco eso de tar sentaos. Según avanzaba l’actuación, la xente empezó a movese al ritmu la música, los aplausos empezaron a siguir les canciones y, pa terminar, el públicu acabó de pie, saltando y acompañándonos.
La vuelta del Arcu Atlánticu foi una gran noticia pa Xixón y pa la cultura asturiana y atlántica, y prestónos poder vivila dende dientro. Ojalá esta nueva etapa tenga una llarga singladura y el festival siga medrando como puntu d’alcuentru ente Asturies y los territorios del Atlánticu.
¿Quieres ver el vídiu?