Memories de Deva
L'álbum primeru de Guieldu
José Ángel Hevia y Bieito Romero sintieron Memories de Deva enantes del so llanzamientu. Les sos impresiones sobre l’álbum primeru de Guieldu formen parte del llibretu qu’acompaña a la edición en CD.
El Discu
Memories de Deva axunta catorce temes que formen el repertoriu grabáu primeru de Guieldu.
L’álbum ta construyíu a partir de composiciones propies y de músiques tradicionales, con Asturies como puntu partida y una güeyada abierta a los finisterres atlánticos: Irlanda, Escocia, Bretaña y otres tierres celtes.
Les canciones percorrén distintos ambientes y llinguaxes, dende melodíes de raigañu hasta composiciones nes que Guieldu desendolca la so manera propia d’entender la música celta.
La Música
Catorce pieces p’escuchar de principio a fin.
Amás de Spotify tamién puedes sintir Memories de Deva “n Apple Music, YouTube Music, Deezer y otres plataformes.
Temes: Óise l’Ixixú · L’Aremu · El Cantar de la Texedora · Laridenn eus Asturiez · Ayer Vite na Fonte · Angueira (ft. Pepín de Muñalén) · Perdayuri · Irish Fleadh · Flor d’Artu (ft. Pepín de Muñalén) · Asturies danza na Celtia – Pumba-Dai · Rondes (ft. 6 Riales) · La Regueira de los Danzantes · Ónde vas a por Agua · Eireann Set
La edición en CD
La edición física de Memories de Deva foi fecha como un oxetu que va acullá de la música. La portada, el diseñu ya’l llibretu constrúin un imaxinariu propiu, venceyáu a Asturies ya’l espaciu atlánticu nel que s’inspira Guieldu.
La portada
La portada de Memories de Deva ye una acuarela pintada pola pintora asturiana Solombra especialmente pal discu: la bocana de la ría d’Avilés, col faru San Xuan allumando un barcu acosáu pol «peludín», una criatura marina del imaxinariu popular, y la islla de Deva’l fondu. Solombra tamién fixo los dibuxos interiores del llibretu y la carátula del CD. El diseñu y la maquetación son de Pablo Santamarta, baxista de la banda.
El nome l’álbum vien d’ehí: la islla de Deva, que‑y da nome tamién a una diosa celta. El títulu propúnxolu’l poeta Vítor Albuerne, y ye fácil de pronunciar en dellos idiomas.
El llibretu
El llibretu qu’acompaña a Memories de Deva tien una hestoria propia. Les sos páxines, escrites n’asturianu, tán planteaes como un cuadernu de campu nel que pasen coses, apaecen Llugares, persones ya escenes rellacionaes d’alguna manera colos cantares del álbum.
Cada entrada parte d’un de los cantares, pero sigue’l so camín propiu. Nun pretende esplicar el cantar nin cuntar lo mesmo qu’él: ye otra hestoria que trescurre a la par.
El resultáu ye un percorríu qu’acompaña’l discu y que puede descubríse páxina a páxina, tamién más allá de la música.
Produción
Memories de Deva grabóse nos Estudios 15:40 de Gozón. Héctor Aneiros encargóse de la produción musical, y Senén Fernández, de la grabación, mestura y masterización. Una vegada rematáu, el discu fabricóse’n La Fábrica del Ruíu, n’Avilés: el puntu final d’un procesu que nun salió del entornu de la banda en ningún momentu.
Na grabación participen tamién Pepín de Muñalén al saxu, Jesús del Castillo cola gaita electrónica y les pandereteres de 6 Riales, sumando textures y voces que s’alloñen de la formación habitual de Guieldu sobre l’escenariu.
áu alcontrar el discu
Puedes sintir Memories de Deva” en’n streaming y también tenelo en formatu físicu: un oxeto pa guardar, regalar, abrir seliquín y esfrutar.
El CD ta disponible en Tiza y Peonza (Avilés), L’Esperteyu Chigre Folk (Uviéu/Oviedo), Café Trisquel Chigre (Xixón/Gijón), Raigaños (Cuideiru/Cudillero), O Recuncho (Ribadeo), Taberna Bar Cuervo y Reload (Llión), y La Taberna del Dragón Verde (Sevilla).