Guieldu, el 6 d’ agostu del 2022 nel Intercélticu Sendín
El Festival Intercélticu Sendín, que celébrase dende l’añu 2000 en Terras de Miranda (Norte Portugal) ye una les grandes cites “intercéltices” de la península ibérica.
Anguaño cumple’l so 21º edición y como novedá tolos conciertos ya actividaes paraleles van ser de baldre. Un motivu más para cruciar la raya y averase a esta guapa localidá a menos de 80 Km. de Zamora.
El festival va entamar el vienres 5 d’agostu cola actuación del duo gallegu Pärbo (Begoña Riobó y Anxo Pintos). Siguirá-yos el veteranu grupu folk La Musgaña con Vanesa Muela y va cerrar la nueche Trasga, que nel so repertoriu utiliza la llingua mirandesa, una variante del ástur-llionés.
El sábadu 6 va actuar el grupu portugués Cataventos que sobro la base la música tradicional portuguesa funde soníos d’otros países y estilos. Depués va dir la banda do Rei Pescador, grupu country-folk del míticu Orlando Mesquita. Finalmente, y bien estimaos a la organización por cuntar con nós, va cerrar la nueche GUIELDU nel que va ser el nuesu primer conciertu fora d’Asturies y d’España.
Mientres tou la fin de selmana realícense tamién actividaes paraleles: pasacalles de bandes de gaites, esposiciones, charres, mercadinos, rutes empuestes polos castros prerromanos…
P’aprovechar la escapada
El Festival Intercélticu de Sendim ye un escelente reclamu pa una escapada al país vecín si ye que vos presta’l folk porque amás la contorna Miranda do Douro tien munches otres coses curioses culturales y naturales como los paseos en barcu pel ríu Douru, el cascu históricu d’esta villa, cola so catedral y el so pimpanu castiellu, o’l mirador de la Fraga do Puio na freguesia de Picote. Ensin escaecer la escelente gastronomía.
Recordái: vienres 5 y sábadu 6 d’agostu en Sendim ( y cuntái pa la programación horaria qu’en Portugal ye xuna hora menos, como en Canaries).
